Utklipp frå avisa Hordalend 24.04.1926

Myrkdalen ungdomslag vert skipa

Myrkdalen ungdomslag skipa

Teksten skriven med vanlege bokstavar:

Myrkdalen ungdomslag

Den 10. februar 1904 kom det etter innbjoding av eit par stykke, saman ein del ungdomar i skulehuset i Myrkdalen og skipa til eit leselag, som fekk namnet «Fjellvkest».

Dette laget si hovuduppgaava var ved god lesnad aa arbeida for folkeleg upplysning på fullnorsk grunn. Laget hadde daa møte i vetterhalvaaret, og vart elles drive i same leid som ungdomslag.

I 1913 byrja laget samla pengar til byggjefond for eige hus, og dette hev det no halde fram med dei åri det hev vore verksemd. Men diverre laag laget nede nokre aar, til hausten 1919, daa vart det atter uppattteke.

Etter lagsvedtak i 1920 fekk laget namnet Myrkdalen ungdomslag. Det vart daa utarbeidt nye reglar for laget i samhøve med vedtaket.

Dessutan har laget no som før halde fram med aa kjøpa nokre bøker til boksamlingi kvart aar. Den økonomiske stoda aat laget er so pass, at me er tenkte til aa reisa oss eige hus. På siste lagsmøtet vart det vedrteke aa gaa i gang med byggjing med dei midlane laget no har. Det var og vedtak um aa søkja samarbeid med krinsen, og kalla saman til eit folkemøte sundag 25. april kl. 6 em.

Eg vil difor uppmoda dei eldre om aa møta godt fram den dagen. Det med umsyn til alt som er uppe i tidi, so treng me eit forsamlingshus i Myrkdalen. Dette huset er det men o vil reisa, ikkje berre til eigen bate for ungdomslaget, men i tanke om at heile bygdi skal faa nytte av det. Ver difor mannjamt med, og vis samhug og offervilje for dette tiltaket.

S.S.