Startsida > Om Myrkdalen

Om Myrkdalen

Myrkdalen er ei lita bygd i Voss kommune med ca. 300 innbyggjarar.

Myrkdalen ligg tre mil frå kommunesenteret Vossevangen. Det tek ca. to timar med bil frå Bergen. Myrkdalen ligg om lag midt mellom Hardangerfjorden i sør og Sognefjorden i nord, med andre ord midt i smørauga av Vestlandet.

Innfallsporten til Myrkdalen er Myrkdalsvatnet i sør og Vikafjellet i nord. Like ved desse er det byggjefelt med ledige tomter.

Landbruk er hovudnæringa i Myrkdalen og pregar det flotte kulturlandskapet . Myrkdalen har flott natur som kan nyttast sommar som vinter.

Vintersdagen er Myrkdalen eit av dei mest snøsikre områda på Vestlandet. I dalen finst både alpinanlegg, lysløype, hoppbakke og kvite vidder for dei som vil ha det..

Sommar og haust er tida for jakt, fiske og turar i variert terreng, med storslått vestlandsnatur.

Myrkdalen har lange tradisjonar for treskjering og kunsthandverk av ulikt slag. Dei seinare åra har det vore ein del hyttebygging i dalen. Dette kan gje grobotn for etablering av nye næringar og gje landbruksnæringa fleire bein å stå på.